Kirche Jesu Christi der Heiligen der Letzten Tage
Fréttir - 08.06.2012

 

Heimsþing um fjölskyldur

Öldungur Erich W. Kopischke, af hinum Sjötíu og forseti Evrópusvæðis Kirkju Jesú Krists hinna Síðari daga heilögu hélt ræðu á VI Heimsþingi um fjölskyldur í Madrid, Spáni.

Í ræðu sinni á VI Heimsþingi um fjölskyldur í Madrid, Spáni, lagði öldungur Erich W. Kopischke, af hinum Sjötíu og forseti Evrópusvæðis Kirkju Jesú Krists hinna Síðari daga heilögu, áherslu á mikilvægi hjónabandsins og fjölskyldunnar í nútíma samfélagi. Systir Mary Ellen Smoot, fyrrverandi aðalforseti Líknarfélagsins, sem er kvennfélag kirkjunnar, kynnti ræðuna hans.

Honum var boðið að mæla til áheyrenda á opnunarhluta þingsins og þar sagði hann: „Siðmenning og samfélög verða aðeins jafn sterk og fjölskyldur þeirra. Hugmynd þessi hefur líklega verið sögð ótal sinnum á fjölskylduráðstefnum og ráðstefnum eins og þessum víða um heim. Ég ætla að bæta við þann augljósa sannleika eftirfarandi staðhæfingu:  Fjölskylda getur aðeins verið jafn sterk og hjónabandið sem hún byggist á.“

Samhliða samkomum þingsins sótti öldungur Frerich Görts, fyrrverandi ráðuneytisstjóri í þýsku ríkisstjórninni og núverandi fulltrúi kirkjunnar hjá stofnunum Sameinuðu þjóðanna, alþjóðlegan þingræðislegan umræðufund. 

Á umræðufundinum voru þekktir aðgerðasinnar og leiðtogar samfélags-, menntunar- og rannsóknarstofnana ‒ sem standa vörð um fjölskylduna og grundvallarreglur lífsins ‒ ásamt stjórnmálafulltrúum, komnir þar saman til að kryfja og finna hugsanlegar lausnir á stjórnmálalegum og löggjafalegum þáttum, sem og áhrif þeirra á siðmenningarsamfélög.  

Meðan öldungur Kopischke ávarpaði yfir 2000 manns, sem voru fulltrúar hundruð fjölskyldustofnana og fræðisetra, og öldungur Görts ræddi við stjórnmálaleiðtoga samfélaga, sáu trúboðar almannatengsla, öldungur Jim og systir Carol Brande, um bás á sýningasvæði Heimsþings um fjölskyldur, með hjálp kirkjumeðlima á svæðinu.

Þess var vænst að hinn fallegi og hlýlegi bás, þar sem fjölskyldukvöldið var kynnt, sem kirkjan innleiddi árið 1915 til að hvetja foreldra til að styrkja fjölskylduböndin, myndi laða að hundruði gesta. Þar gátu gestir horft á valin fjölskyldutengd myndbönd, kynnst því hvernig kirkjan stendur vörð um hina hefðbundnu fjölskyldu og haft með sér eitthvað sérstakt til minningar. 

Sýningarsvæðið var opið þar til þinginu lauk, sunnudaginn 27. maí.